Հետ գնալ

Քրիստոնեություն

Քրիստոնեությունը համաշխարհային կրոններից մեկն է, որը հիմնվել է Հիսուս Քրիստոսի, նրա 12 առաքյալների ու 70 աշակերտների կողմից Պաղեստինում: Քրիստոնյա ու քրիստոնեություն տերմինները շրջանառության մեջ է դրել եկեղեցու հայր Իգնատիոս Անտիոքացին 2-րդ դարի կեսերից Անտիոք քաղաքում: Քրիստոնեության դավանաբանության հիմքը Աստվածաշունչն ու Սուրբ Ավանդությունն է, ինչպես նաև՝ Տիեզերական ժողովներում ընդունված որոշումները:

Քրիստոնեությունը բաժանված է երեք մեծ ճյուղերի՝ կաթոլիկություն, ուղղափառություն և բողոքականություն, որոնք էլ իրենց հերթին բաժանված են հազարավոր ճյուղավորումների: Այսօր դժվար է բնորոշել քրիստոնեության դավանաբանությունը, քանի որ բազմաթիվ են հավատքի այն դրույթները, որոնք եթե ընդունելի են մեկ կամ մի քանի եկեղեցիների կողմից, ապա ընդունելի չեն մյուսների կողմից:

Այդուհանդերձ, քրիստոնեական եկեղեցիների մեծամասնությունը հիմնվում է Հիսուս Քրիստոսի փրկագործ առաքելության, նրա՝ Աստծո Որդի լինելու, մարդեղացման, հարության, համբարձման դոգմաների վրա: Հայտնությամբ տրված քրիստոնեական դավանանքի հիմնական դրույթները համառոտ և ամփոփ բանաձևված են Հավատո հանգանակներում։

Քրիստոնեական ավանդական ուղղությունները ընդունում են յոթ խորհուրդներ, իսկ բողոքական եկեղեցիների մեծ մասը՝ երկու խորհուրդներ: Քրիստոնեական կրոնի աստվածը Ս. Երրորդությունն է՝ Հայրը, Որդին և Ս.Հոգին։ Նրա միաստվածային բնույթը հաճախ տարակարծությունների ու պառակտումների պատճառ է եղել քրիստոնեության ներսում: Քրիստոնեությունը տարածված է Եվրոպայում, Ռուսաստանում, հյուսիսային ու հարավային Ամերիկաներում և այլուր:

Մասնակիցներ` արաբագետ Հայկ Քոչարյան, պարսկագետ Աննա Գևորգյան, աստվածաբան Հովհաննես Հովհաննիսյան, կառավարման խորհրդատու Վահե Բալուլյան, ճանապարհորդ Սարգիս Ներսիսյան: Article 27. Christianity and Islam. (April 9, 2013) from EPF Armenia on Vimeo.

Եվրասիա համագործակցություն հիմնադրամը (ԵՀՀ) 2014 թվականից ի վեր, գրեթե ամեն տարի հայտարարում է մրցույթ՝ կրոնական և ազգային փոքրամասնությունների, ինչպես նաև միգրանտների մասին հանդուրժողականության և խաղաղ համակեցության թեմայի շուրջ լավագույն լրագրողական նյութի համար։   Մրցույթի նպատակն է խրախուսել Հայաստանում հանդուրժողականության, խաղաղ համակեցության և բազմազանության վերաբերյալ հավասարակշռված...

Որ՞ն է եկեղեցու և մաֆիայի նմանությունը: Ըստ հայտնի կինոկատակերգության Մաֆիան, ինչպես Եկեղեցին, անմահ է: Չադ Ստախելսկու «Ջոն Ուիկ» կինոնկարում ռուսական մաֆիան և Ռուս ուղղափառ եկեղեցին ներկայացվում են որպես միմյանց փոխլրացնող կառույցներ, որտեղ եկեղեցու ղեկավարը միաժամանակ մաֆիայի պարագլուխն է: Անշուշտ, եթե ֆիլմը նկարահանվեր հոլիվուդյան ավանդական սցենարով,...

Հարցազրույց իրավապաշտպան, խորհրդային այլախոհ Վարդան Հարությունյանի հետ։ 1. Դուք սովետական տարիներին եղել եք քաղաքական բանտարկյալ։ Քաղաքական ճամբարներում, բանտերում, աքսորում քիչ չէին նաեւ կրոնական «հանցանքների» համար դատապարտված անձինք՝ խղճի կալանավորները։ Ովքե՞ր էին նրանք եւ ի՞նչ վտանգ էին ներկայացնում սովետական պետության համար։ Սովետական պետության համար, ըստ հենց...

Պսակադրությունը (պսակ) Հայ Առաքելական Եկեղեցու յոթ սրբազան խորհուրդներից մեկն է, որով երկու ոչ ազգական անձնավորություններ` այր և կին, ստանում են Աստծո օրհնությունը և խորհրդավորապես միանում իրար` դառնալով մեկ մարմին և ստեղծելով ընտանիք: Ամուսինները պետք է առնվազն հինգ աստիճանով բաժանված լինեն միմյանցից, օրինակ՝ որդին հորից զատվում...

Ֆոլգերոն և այլք ընդդեմ Նորվեգիայի (15472/02) Մեծ պալատի 29.06.2007-ի որոշում 1997թ. Նորվեգիայի տարրական դպրոցի կրթական ծրագիրը փոփոխության ենթարկվեց. երկու առանձին առարկաներ` քրիստոնեությունն ու կյանքի փիլիսոփայությունը, փոխարինվեցին մեկ առարկայով, որն ուսումնասիրում էր քրիստոնեություն, կրոն և փիլիսոփայություն և հայտնի էր KRL անունով: Նորվեգիայի հումանիստական ընկերության անդամները անհաջող...

Կերակրի կամ դրա առանձին տեսակների վրա կրոնական արգելքները կամ սահմանափակումներն անվանում են պաս : Բոլոր կրոններում պասը կոչված է արգելքների միջոցով հավատացյալներին կենտրոնացնել ինքնամաքրման, ինքնակատարելագործման ու սեփական անձի վերանորոգման վրա: Պասը դեռևս գոյություն է ունեցել քրիստոնեությունից առաջ ու կոչված է եղել կանխարգելելու կենդանիների մորթը ծնելիության...

Միաստվածություն (հուն.՝ monotheism) — մեկ աստծո գոյության նկատմամաբ հավատքն է կամ մեկ աստծո գոյության ընդունումը: Միաստվածային կրոնները հակադրվում են բազմաստվածային կրոններին, որոնք ընդունում են տարբեր աստվածների գոյությունը: Առաջին միաստվածային կրոնները հուդայականությունը, քրիստոնեությունը և իսլամն են: Միաստվածությունն ունի նաև իր տարատեսակները: Այսպես, քրիստոնեությունը դասվում է «ոչ...

Հայրաբանություն (հուն.՝ πατήρ, լատ.՝ pater — հայր) – եկեղեցու հայրերի փիլիսոփայությունն ու աստվածաբանությունը։ Եկեղեցու հայրերը մինչև 7-րդ դարը եկեղեցու գլխավոր անհատներ էին: Նրանց կողմից մշակված վարդապետությունները դարձան քրիստոնեական աշխարհայացքի հիմքը: Եկեղեցու պատմությունը տարբերակում է մի շարք հայրերի՝ առաքելական, ջատագովական, ալեքսանդրյան, անտիոքյան, կապադովկիական և այլն: Տարբերում են հայրաբանության հունական և...